اسلام آباد (آن لائن) لیگی رہنماؤں طلال چودھری اور دانیال عزیز نے کہا ہیکہ عمران خان لندن میں ثبوت ڈھونڈنے گئے تھے لگتا ہے دلہن لائیں گے ۔ قوم کو عمران خان کا اصل چہرہ دکھائیں گے ۔ عمران خان جوئے سے لے کر منی لانڈرنگ تک میں ملوث رہے ہیں ۔ منگل کے روز الیکشن کمیشن کے باہر میڈیا گفتگو میں لیگی راہنما طلال چودھری نے کہا ہے کہ ابھی وکیلوں کے علاوہ اور بھی بہت کچھ تبدیل ہو گا عمران خان نے الیکشن کمیشن میں جواب نہ دینے کیہیٹر ک کی ہے عمران خان کو قوم کو جواب دینا ہو گا عمران خان الیکشن کمیشن اور عدالت میں رسوا ہوں گے عمران خان جب بھی تلاشی کی بات کرتے ہیں ساتھہی شادی کر لیتے ہیں فلم میں وزیر اعظم کا رول خان صاحب کی پانچ سالہ مدت کا نہیں چند گھنٹے کا ہو گا عمران خان کو لینے کے دینے پڑ گئے ہیں اس موقع پر دانیال عزیز نے کہاکہ ابھی وکیل تبدیل ہو رہے ہیں اور بھی بہت کچھ تبدیل ہو گا ۔ ہائی کورٹ میں جہانگیر ترین نے الیکشن کمیشن کے خلاف رٹ دائر کی ہوئی ہے عمران خان 35 پنکچرز سے بھی بھاگ گئے تھے جہاں ادارہ انصاف کی بات کرتا ہے وہاں سے فرار ہو جانا ریت بن چکا ہے ۔