لاہور (آن لائن)پاک بھارت کشیدگی کے باعث دونوں ممالک کی صورتحال کافی نازک ہے،جس کا سب سے زیادہ اثر شوبز انڈسٹری پر پڑا ہے۔مقامی میڈیا کی رپورٹ کے مطابق بھارت کی جانب سے پاکستانی فنکاروں پر لگائی جانے والی پابندی کے بعد پاکستانی ٹی وی چینل ،ریڈیو اور سینما مالکان نے بھی بھارتی مواد اور فلموں پر پابندی عائد کردی ہے۔جس کے باعث بھارتی فلم پروڈیوسرز کو بہت بھاری نقصان اٹھانا پڑ رہا ہے،کیونکہ پاکستان بھارتی فلموں کی ایک بڑی مارکیٹ ہے جہاں سے بھارت کروڑوں کا منافع حاصل کرتاہے،لیکن پابندی لگنے کی وجہ سے بھارت اس منافع سے محروم ہو گیا ہے۔دوسری جانب بھارتی فلموں پر پابندی کی وجہ سے پاکستانی سینما کو نقصان اٹھانا پڑ رہا ہے،لہٰذا سینما مالکان نے اس کے متبادل کے طور پر ترکش اور ایرانی فلموں کی نمائش کا فیصلہ کیا ہے۔خیال ظاہر کیا جا رہا ہے کہ ترکش اور ایرانی فلموں کی ریلیز پاکستانی سینما کیلئے سود مند ثابت ہوں گی ،چونکہ ایرانی فلمیں پاکستانی ثقافت اور معاشرے سے کسی حد تک مشابہت رکھتی ہیں اس لئے خیال کیا جا رہا ہے کہ دیکھنے والے جلدی اس تبدیلی کو قبول کرلیں گے۔واضح رہے کہ گزشتہ کچھ عرصے قبل مقبوضہ کشمیر میں قائم ا?ڑی کیمپ پر حملے کے نتیجے میں ہلاک ہونے والیبھارتی فوجی اس کشیدگی کی وجہ بنے تھے۔اس حملے کے بعد ہی بھارتی انتہا پسندوں کی جانب سے پاکستانی فنکاروں پر پابندی کا مطالبہ کیا گیا تھا ،اور غیر معینہ مدت تک پاکستانی اداکاروں اور مواد پر پابندی لگا دی گئی تھی۔۔

موضوعات:بھارت فلموں پر پابندی