اسلام آباد (مانیٹرنگ ڈیسک)پشاور کے طالب علم شاہ نبی نے حکومت گورنر خیبر پختونخواہ سے ڈگری لینے انکار کر دیا تھا ، طالب علم کا کہنا تھا کہ موجودہ حکومت کرپشن زدہ ہے اور میں کرپٹ حکومت کے نمائندوں سے اپنی ڈگری نہیں لوں گا، حال ہی میں شاہ نبی نے اپنی ڈگری عمران خاں اور وزیراعلی خیبر پختونخواہ سے حاصل کر لی ہے ۔ اس موقعے پر شاہ نبی کا کہنا تھا کہ عمران خان اور وزیراعلیٰ خیبر پختونخواہ سے ڈگری لینا میری لیے کسی خوشی سے کم نہیں ہے ۔ یاد رہے کہ اس قبل پشاور یونیورسٹی کے سالانہ کانوکیشن میں صحافت کے طالب علم نے گورنر خیبر پختونخوا سے ڈگری لینے سے انکار کردیاتھا،طالب علم نبی شاہ کاکہنا تھا کہ وفاقی حکومت کی کارکردگی سے مطمئن نہیں۔طالب علم ڈگری لیئے بغیر ہی واپس اپنی نشست کی طرف چلا گیا تھا ، شاہ نبی جامعہ پشاور میں شعبہ صحافت کے طالب علم ہیں۔