اسلام آباد(مانیٹرنگ ڈیسک) بھارت میں ایک بھارتی سیاستدان کی بیٹی کی شادی پرتعیش طور پر بنائی گئی جس کے بعد پورے ہندوستان میں شدید برہمی دیکھنے میں ملی ہے۔ جہاں کروڑوں لوگ انتہائی غربت کے عالم میں زندگی بسر کر رہے ہیں ۔ تفصیلات کے مطابق بھارت سے تعلق رکھنے والے معروف بزنس مین اور سابق وزیر جی جانا ردھن ریڈی کی بیٹی برہمنی کی شادی پر پورے پانچ ارب انڈین روپےجو تقریبا(ساڑھے سات کروڑ ڈالر بنتے ہیں ) خرچ کیا ۔اس شاد میں دعوت ناموں کیلئے سونے کی پلیٹوں کا استعمال کیا گیا ، بالی ووڈ ستاروں کی پرفارمنس اور دیگر تقریبات سے پرتعیش یہ شادی متنازعہ کی صور ت اختیار کر گئی ، جس نے پورے بھارت میں شدی برہمی کی لہر دورڑا دی ہے ۔
شادی کے اعداد و شمار
کل خرچ: پانچ ارب روپے
ایل سی ڈی سکرینوں سے مزین طلائی دعوت نامے( ایک کروڑ روپے)
دلھن کی ساڑھی: 17 کروڑ روپے
دلھن کے زیورات: 90 کروڑ روپے
حفاظتی اہلکار اور پولیس والے: 3300
ماخذ: انڈین میڈیا
اس موقع پر ریڈی کا کہنا تھا کہ میں نے یہ رقم بینگلور اور سینگاپور میں اپنی جائیداد کر ائے پر دے کر اس شادی کیلئے رقم جمع کی ہے اور تمام ادائیگیاں چھ ماہ قبل ہی کروا دی گئیں تھیں۔ جبکہ دوسری جانب سوشل میڈیا پر عوام میں شدید ردعمل دیکھنے میں آیا ہے اور انہوں نے اپنے بھارتی وزیراعظم سے کہا ہے کہ کالے دھن کو بند کرنے کیلئے غریبوں پر ہی نہیں بلکہ اوپر والے طبقے کو بھی دیکھنا ہو گا۔ یا د رہے کہ جی جانا ردھن ریڈی بھارتیہ جنتا پارتی کی جانب سے ریاست کرناٹک کے وزیر بھی رہ چکے ہیں۔ اور انہیں بدعنوانی کے الزام میں تین سال جیل میں گزارنا پڑے تھے۔ ان کے رہائی پچھلے سال ہی ہوئی تھی ۔ تاہم وہ اپنے اوپر لگائے جانے والے تمام الزامات کا انکار ہی کرتے آئے ہیں ۔

موضوعات:پانچ سو کروڑ میں شادی