راولپنڈی( آئی این پی ) ڈی جی آئی ایس پی آرلیفٹیننٹ جنرل عاصم سلیم باجوہ نے کہا ہے کہ  ہمارے جوابی وار سے بھارت کا جانی نقصان پاکستان کی نسبت تین گناہ زیادہ ہے -اکتوبر سے اب تک ورکنگ باؤنڈری پر 37 بار جارحیت ہوئی اور ایل او سی پر 199 بار جارحیت کی گئی ، بھارت نے سرجیکل اسٹرائیک کا ڈرامہ رچایا، بھارت نے جب بھی خلاف ورزی کی ہم نے منہ توڑ جواب دیا ۔ وہ پیر کو نجی ٹی وی پروگرام میں گفتگو کر رہے تھے ۔ انہوں نے کہا کہ بھارتی فوج نے فائرنگ سے 7 جوانوں کو شہید کر دیا ۔ بھارت کی جانب سے سیز فائر کی خلاف ورزیاں جاری ہیں ۔ بھارت نے ستمبر میں ایل او سی کی خلاف ورزی شروع کیاور تب بھی ہمارے دو جوان شہید ہوئے تھے ۔ بھارت نے اکتوبر سے اب تک 37 بار ورکنگ باؤندری اور 199 بار لائن آف کنٹرول کی خلاف ورزی کی ۔ عاصم سلیم باجوہ نے کہا کہ بھارت نے جب بھی خلا ف ورزی کی ہم نے منہ توڑ جواب دیا ۔ بھارت نے سرجیکل اسٹرائیک کا ڈرامہ بھی رچایا اور یہ ڈرامہ بھی پوری دنیا نے دیکھا ۔ انہوں نے کہا کہ کسی بھی یونٹ سے بھارت سیز فائر کی خلاف ورزی کرتا ہے ہمارے جوابی وار سے بھارت کا جانی نقصان پاکستان کی نسبت تین گناہ زیادہ ہے ۔ ۔۔۔(م د)