اسلام آباد( آئی این پی ) وزیر اعظم محمد نواز شریف کی صاحبزادی مریم نواز نے کہا ہے کہ میرے اور حسین نواز کے وکیل اکرم شیخ ہوں گے اور (آج) ہر صورت عدالت کے سامنے دستاویزات جمع کرائی جائیں گی ، مزید وقت نہیں لیا جائے گا۔ پیر کو نجی ٹی وی سے گفتگو میں مریم نواز نے کہا کہ وکیل تبدیل نہیں کیا گیا بلکہ ایک اور وکیل کو شامل کیا گیا ہے ۔ میرے اور حسین نواز کے وکیل اکرم شیخ ہوں گے جب کہ سلمان بٹ وزیر اعظم نواز شریف کے وکیل ہوں گے ۔ انہوں نے کہا کہ کسی بھی صورت مزید وقت نہیں لیا جائے گا ۔ کیس چل رہا ہے اور اسی طرح چلتا رہے گا مگر (آج) ہرحال میں عدالت کے سامنے دستاویزات جمع کرائی جائیں گی ۔ ۔۔۔(م د)

موضوعات:مریم نواز