اسلام آباد (مانیٹرنگ ڈیسک) ورلڈ بینک نے اپنی رپورٹ میں کہا ہے کہ خیبرپختونخوا حکومت ترقی کی شرح کے اعتبار سے سب سے بہتر ہے۔ صوبے میں تعلیم صحت اور بنیادی سہولیات کی فراہمی کی کارکردگی دیگر صوبوں سے نمایاں ہے۔ تفصیلات کے مطابق ورلڈ بینک نے پی ٹی آئی کی سربراہی میں چلنے والی خیبرپختونخوا حکومت کو ترقی کی شرح کے اعتبار سے سب سے بہتر قراردیا ہی۔
ورلڈ بینک نے اپنی رپورٹ “پاکستان میں ترقی کی صورتحال” میں کہا ہے کہ پاکستان کے صوبوں کو انسانی ترقی کے حوالے سے گزشتہ دہائی میں مختلف صورت حال کا سامنا رہا ہے۔ تاہم ایسا لگ رہا ہے کہ خیبر پختونخوا حکومت بہت سے معاملات میں ترقی کی شرح میں سب سے آگے ہے۔ ورلڈ بینک کے مطابق خیبرپختونخوا میں مجموعی پرائمری انرولمنٹ کی شرح میں 2010 سے 2015 کے درمیان 3 فیصد اضافہ ہوا ہے۔ جبکہ دوسرے صوبوں میں ترقی کی شرح میں کمی واقع ہوئی ہے۔ خیبر پختونخوا میں بچوں کے حفاظتی ٹیکوں کی شرح 2005 میں 40 فیصد تھی جو کہ 2013 میں 53 فیصد جبکہ 2015 میں 58 فیصد تک پہنچ گئی ہے یہ شرح تمام صوبوں میں سب سے زیادہ ہے
اس ذمن میں سندھ کی صورت حال کافی خستہ نظرآرہی ہے۔ سندھ میں بچوں میں حفاظتی ٹیکوں کی شرح 2005 میں 46 فیصد تھی جو کہ 2015 میں کم ہو کر 45 فیصد ہو گئی ہے۔ اس کے علاوہ مجموعی پرائمری انرولمنٹ کی شرح جو کہ 2010 میں 82 فیصد تھی وہ 2015 میں کم ہو کر79 فیصد رہ گئی ہے سندھ میں شعبدہ بازی بھی عروج پررہی
جبکہ شہری اور دہی علاقوں میں فرق بھی نمایاں رہا۔ جبکہ خواتین کے تعلیم اور دیگر شعباجات میں شمولیت میں اضافہ دیکھنے میں آیا خواتین کی مختلف شعباجات میں شمولیت کے باعث انکی شرح 2005 میں 19.3 فیصد تھی جو کہ 2014 میں بڑھ کر 24.8 فیصد ہو گئی۔ مردوں کے مقا بلے عورتوں کی شرح خواندگی میں بھی بہتری دکھائی دی۔ 2015 تک 10 مردوں کے مقابلے میں 7 خواتیں پڑھی لکھی ہیں۔ رپورٹ کے مطابق اگر بڑھتی آبادی کے مطابق سہولیات فراہمی میں اضافہ کرنا ہے تو سہولیات کی فراہمی کے لائحہ عمل کو دورس جائزے کی ضرورت ہے۔
