پشاور(مانیٹرنگ ڈیسک)خیبرپختونخوا میں تعلیمی ایمرجنسی کا پول کھل گیا، کرائے کی عدم ادائیگی پر پشاور کے 2 سکولوں کو تالے لگ گئے، طالبات احتجاج کیلئے محکمہ تعلیم کے دفتر پہنچ گئیں۔خیبرپختونخوا میں تعلیم کا برا حال، اسکولوں کو تالے لگ گئے، کرائے کی عدم ادائیگی پر چمکنی کے 2 سکولوں بند کردیئے گئے، متاثرہ طلباء نے ایجوکیشن افسر کے دفتر کے سامنے دھرنا دیا
چمکنی میں 2 سال سے نجی عمارت میں قائم سرکاری سکول کا کرایہ نہ ملا تو مالک نے تالے لگا دیئے، احتجاج کیلئے متاثرہ بچے محکمہ تعلیم پشاور کے دفتر پہنچ گئے اور کتابیں کھول کر انوکھا دھرنا دیا۔طالبات کے ساتھ والدین بھی سراپا احتجاج بن گئے، بچوں کا دھرنا دیکھ کر محکمہ تعلیم حکام موقع پر پہنچ گئے اور سکول کھلوانے کیلئے پیر تک مہلت مانگ لی۔
