کراچی (این این آئی) ترجمان گورنر ہاﺅس نے کہا ہے کہ گورنر سندھ جسٹس ( ر) سعید الزماں صدیقی کے حوالے سے میڈیا میں چلنے والی خبر ”خرابی صحت کے باعث گورنر سندھ نے مصروفیات منسوخ کردی ہیں “ درست نہیں ۔ ترجمان نے کہا کہ مزار قائد پر جاری تزئین و آرائش کے کاموں کے باعث مزار قائد انتظامیہ کی درخواست پر گورنر سندھ نے مزار قائدؒ پر حاضری کا پروگرام ملتوی کیا ۔دوسری جانب گورنر سندھ کو مبار ک باد دینے کا سلسلہ جاری ہے آج صدر مملکت ممنون حسین ، گورنر پنجاب رفیق رجوانہ ، وفاقی وزیر احسن اقبال اور وفاقی مشیر عرفان صدیقی سمیت ججز صاحبان نے انہیں مبارکباد دی ہے ۔ گورنر سندھ حلف برداری کے بعد اپنی رہائش گاہ چلے گئے تھے جہاں وہ رشتہ داروں اور دوستوں سے ملاقاتیں کریں گے اور رات اپنی رہائش گا ہ میں ہی قیام کرنے کے بعد کل گورنر ہاﺅس منتقل ہو جائیں گے ۔