لاہور(مانیٹرنگ ڈیسک)سپیکر قومی اسمبلی ایاز صادق اپنے حلقے کے دورے پر پہنچے جہاں بدمزگی ہوگئی، مسائل کے ستائے شہری نے اسپیکر کو کھری کھری سنادیں، حامیوں نے بپھرے شخص کو بڑی مشکل سے قابو کیا۔ایک نجی ٹی وی کی رپورٹ کے مطابق سپیکر قومی اسمبلی ایاز صادق اپنے حلقے کے دورے پر پہنچے جہاں بدمزگی ہوگئی، مسائل کے ستائے شہری نے اسپیکر کو کھری کھری سنادیں، حامیوں نے بپھرے شخص کو بڑی مشکل سے قابو کیا ۔حلقے کے عوام ایاز صادق کے خلاف پھٹ پڑے،
ایاز صادق اپنے حلقہ انتخاب رحمان پورہ آئے تو مسائل کے ستائے عوام بھی شکایات لے کر پہنچ گئے اور میڈیا ٹاک کے دوران ہی شکوے کرنے شروع کردیئے۔اس موقع پرایاز صادق نے کہاکہ بنیادی ضروریات کے مسائل راتوں رات حل نہیں ہوسکتے۔پریس کانفرنس کے دوران مداخلت کرنے والے شخص کو تو ایاز صادق کے حامی فوری طور پر دور لے گئے لیکن مقامی افراد اسپیکر قومی اسمبلی کے گرد جمع رہے، جس کے بعد ایاز صادق نے رحمان پورہ کا دورہ بھی کیا۔
