اسلام آباد(مانیٹرنگ ڈیسک)پاکستان عوامی تحریک اورپاکستان تحریک انصاف میں اختلافات سامنے آگئے ۔پی ٹی آئی کے ترجمان نے طاہرالقادری کا تحریک انصاف پر پانامہ میچ فکس کرنے کا الزام مسترد کردیا۔ نعیم الحق نے کہا کہ طاہرالقادی بتائیں تحریک انصاف کا کس سے رابطہ ہے۔انہوں نے کہاکہ نواز شریف کے احتساب کیلئے پی ٹی آئی متحرک ہے۔
ترجمان پی ٹی آئی کے مطابق حکومت سے بیک ڈور رابطہ تھا اور نہ ہے،پانامہ لیکس پر ہماری کوششوں کی وجہ سے وزیر اعظم کی تلاشی شروع ہوچکی ہے۔واضح رہے کہ طاہر القادری نے کہا تھا کہ اب پاناما لیکس کی موت ہو گئی ہےاورتحریک انصاف نے پاناما لیکس پر میچ فکس کردیا ہے۔

موضوعات:تحریک انصاف طاہرالقادری