لاہور(مانیٹرنگ ڈیسک)عوامی تحریک کے سربراہ ڈاکٹر طاہرالقادری کا کہنا ہے کہ پانامہ کے معاملے کا میں اور ہم سارے مل کر جنازہ پڑھائیں گے، تحریک قصاص کے اگلے مرحلے کا جلد اعلان کریں گے۔ وطن واپسی کی ٹکٹ کروالی ہیں، کسی بھی وقت وطن واپس آجاؤں گا۔ نجی ٹی وی کے پروگرام میں گفتگو کرتے ہوئے انہوں نے کہا کہ پانامہ کے معاملہ مر چکا ہے

اب اس کے کفن دفن کا کام ہوگا پھر اس کا جنازہ پڑھادیا جائے گا، اب اس معاملے میں روح پھر سے نہیں ڈالی جاسکتی ۔ انہوں نے کہا کہ نوازشریف کا مستقبل عدالتی کمیشن کی وجہ سے2018تک محفوظ ہوجائے گا۔ ڈاکٹر طاہرالقادری نے کہا کہ ہمارے پاس بڑے بڑے فنانسر نہیں ہیں، ہمارے ہاں جان بھی ورکرز نے دینی اور مال بھی ، تو ہمیں اپنے ورکرز کو دیکھ کر حکمت عملی بنانی ہوتی ہے۔