لاہور ( این این آئی) سام سنگ پاکستان نے اپنی پریمیئم اسمارٹ فون ڈیوائس گلیکسی S7ایج کی خریداری پر مفت ’’بیٹری پیک‘‘ کی پیشکش کی ہے ۔یہ سام سنگ بیٹری پیک 5200mAh کی استعداد کے ساتھ موبائل ڈیوائس کو محض 30منٹ میں صفر سے 50فیصد تک چارج کرنے کی صلاحیت رکھتا ہے اور اب صارفین اس بیٹری پیک کے ذریعے موبائل ڈیوائس کو تیز ترین چارج کرسکیں گے۔اس بیٹری پیک میں یونیورسل یو ایس بی پورٹ آؤٹ پٹ بھی دیا گیا ہے جس کے ذریعے دیگر اسمارٹ فونز اور ٹیبلٹ کو بھی چارج کیا جاسکتا ہے،یہ بیٹری پیک گلیکسی نوٹ4،گلیکسی نوٹ ایج،گلیکسی ایس6،گلیکسی ایس 6ایکٹیو،گلیکسی ایس 6ایج،گلیکسی ایس 6ایج پلس اور گلیکسی نوٹ5کیلئے بھی قابل استعمال ہے ،مکمل چارج کی صورت میں یہ بیٹری پیک ایک ڈیوائس کو ڈیڑھ مرتبہ چارج کرنے کی صلاحیت رکھتا ہے۔گلیکسی S7ایج ایک انتہائی طاقتور ڈیوائس ہے جو کہ 3,600mAh بیٹری سے لیس ہے جو کہ نہ صرف وائر لیس چارجنگ خصوصیات کی حامل ہے بلکہ تیز تیرین چارجنگ بھی فراہم کرتی ہے ،اسکا 12.2میگا پکسل کا پرائمری کیمرہ BRITECELL سینسر سے لیس ہے جبکہ 8میگا پکسل کا فرنٹ کیمرہ ڈیول وڈیو کال فیچر سے لیس ہے۔اس ڈیوائس کے دونوں اطراف میں F1.7 لینس موجود ہے جو کہ تصاویر کو انتہائی صاف اور شفاف بناتا ہے،حتیٰ کہ کم روشنی میں بھی یہ انتہائی روشن تصویر کو یقینی بناتا ہے،گلیکسی S7ایج دنیا کا پہلا اسمارٹ فون ہے جو کہ ڈیول پکسل سینسر سے لیس ہے ،اس سے قبل یہ خاصیت سب سے پہلے DSLR کیمرہ میں متعار ف کرائی گئی تھی جو کہ اب گلیکسی S7اور گلیکسی S7ایج میں متعارف کرائی گئی ہے۔