اسلام آباد (مانیٹرنگ ڈیسک)آج کے دور میں کون ہوگا جس کے پاس سمارٹ فون ہو اور اسے واٹس ایپ کا علم نہ ہو۔ دنیا ایک انہی چند ایک سوشل میڈیا ایپس کی وجہ سے ہی تو گلوبل ویلیج بنی ہے ۔ واٹس ایپ دور حاضر کا انتہائی مقبول فیچر ہے جسے تقریباً ہر کوئی استعمال کرتا ہے ۔ آپ اس پر اپنے پیاروں کو اپنی من پسند تصاویر بھیجیں، انہیں اپنی آواز بھیجیں یا ان کی آواز سے اپنے کانوںکو محظوظ کریں ۔ اس کے بے پناہ زبردست فیچرزکے لوگ دیوانے ہیں ۔ تو قارئیں اصل خبر یہ ہے کہ واٹس ایپ میں ایک نئی تبدیلی متعارف کرائی گئی ہے ۔ جس کے تحت آپ واٹس ایپ صارف ویڈویو کالز سے بھی فائدہ اٹھا سکتے ہیں ۔ اگرچہ واٹس ایپ نے ابھی ایسا کو ئی اعلان تو نہیں کیا تاہم یہ نیا فیچر آچکا ہے ۔
اب اصل مسئلہ یہ ہے کہ اس فیچر کو اپنے موبائل میں کیسے حاصل کریں ؟ تو اس کلا جواب یہ ہے کہ آفیشل بیٹا ٹیسٹنگ پروگرامگوگل پلے میں موجود ہے اور کوئی بھی اس پر سائن اپ ہونے کے لیے “Become a Tester” بٹن پر کلک کرسکتا ہے۔اس سے ہٹ کر بھی آپ نیا بیٹا ورژن کسی تھرڈپارٹی سائٹ جیسےAPKMirror سے بھی اسے ڈاؤن لوڈ کرسکتے ہیں۔رواں ماہ کے شروع میں ونڈوز فونز استعمال کرنے والوں کو واٹس ایپ میں ویڈیو کالنگ فیچر نظر آیا تھا۔اب واٹس ایپ نے اس فیچر کو اینڈرائیڈ تک توسیع دے دی ہے اور ایسا نظر آتا ہے کہ بہت جلد یہ عام اینڈرائیڈ صارفین کے زیراستعمال ایپ اور آئی فونز کے لیے بھی متعارف کرا دیا جائے گا۔ویڈیو کالنگ وہ فیچر ہے جس کا واٹس ایپ صارفین طویل عرصے سے مطالبہ کررہے تھے اور اس کے متعارف ہونے پر سب سے بڑا دھچکا مائیکرو سافٹ کی ایپ اسکائپ کو لگے گا جو اس وقت ویڈیو کالنگ کے حوالے سے سرفہرست قرار دی جاتی ہے۔