سری نگر(این این آئی)’’بھارت دنیا کے سامنے اپنا مذاق اڑوانے سے باز نہ آیا ‘‘پاکستان کیلئے جاسوسی کا الزام !کتنے سو کیا چیزگرفتار کر لی ؟ جان کر آپ بھی حیران رہ جائینگے ۔ مقبوضہ جموں وکشمیر میں پولیس نے ڈیڑھ سو سے زیادہ کبوتروں کو جاسوسی کے الزام میں گرفتار کر لیا ۔یہ کبوتر مبیّنہ طور پر جاسوسی کے مقاصد کے لیے اسمگل کیے گئے تھے۔حکام نے اس معاملے کی تحقیقات کا حکم دے دیا ہے۔بھارتی اخبار کی رپورٹ کے مطابق جموں شہر کے وکرم چوک سے تین افراد کو پکڑا گیا وہ ان ڈیڑھ سو کبوتروں کو بکسوں میں ڈال کر لے جا رہے تھے۔بعد میں ان افراد کے خلاف بے رحمیِ حیوانات اور پرند ایکٹ کی شق 144 کے تحت مقدمہ درج کر لیا گیا اور کبوتروں کو ایک غیر سرکاری تنظیم ’’سیو‘‘ کے حوالے کردیا گیا۔اس این جی او کے چیئرمین کو ان کبوتروں کے جسموں کے ساتھ بعض مشتبہ چیزیں نظر آئیں اوران صاحب نے ڈپٹی کمشنر جموں کو ایک تحریری درخواست کے ذریعے اس کی اطلاع دی۔اس پر ڈی سی صاحب نے اس معاملے کی تحقیقات کا حکم دیا ہے کہ آیا ان کبوتروں کو جاسوسی کی سرگرمیوں کے لیے تو استعمال نہیں کیا جارہا تھا۔سیو سے تعلق رکھنے والی ایک خاتون نمرتا حقو کے مطابق ان کبوتروں کے پنجوں میں مختلف رنگوں میں خاص قسم کڑے تھے اور بعض کے ساتھ خصوصی مقناطیسی کڑے بھی لگے ہوئے تھے جس کی وجہ سے ان کے بارے میں شک مزید پختہ ہوا ہے۔