لاہور(مانیٹرنگ ڈیسک ) وزیراعلی پنجاب میاں شہبازشریف نے کہا ہے کہ ان کی خواہش ہے کہ وہ اپنے پسندیدہ کھیل کرکٹ کودوبارہ کھیلنا شروع کریں اس سلسلے میں ٹیم بنا کر اتوار کو کرکٹ کھیلی جائے۔ سوشل ویب سائیٹ ٹوئیٹرپرانہوں نے ٹویٹ کرتے ہوئے کہاکہ ان کے ا یک دوست نے ا نہیں ان کی پرانی ویڈیو بھیجی ہے جس میں وہ کرکٹ کھیل رہے ہیں ویڈیومیں دیکھا جاسکتاہے کہ میاں شہبازشریف ماہربیٹسمن کی طرح پہلی بال کوروکتے جبکہ دوسری بال کو سکس کیلئے ہٹ کرتے ہیں وقت آگیاہے کہ اب کرکٹ ہراتوارکوکھیلی جائے ا ور اس سلسلے میں کرکٹ ٹیم بنائی جائے ۔
جبکہ دوسری جانب چائینہ کے صوبیننگزیاکے وائس گورنرمسٹروینگ حیشن کی دوروزہ سرکاری دورے پرلاہورآمد‘سابق میئرلاہور خواجہ احمد حسان نے صوبائی وزیر آصف سعید منہیس کے ہمراہ استقبال کیاہے ۔ اتوار کے روز علامہ اقبال انٹرنیشنل ائیرپورٹ پرچائینہ کے صوبیننگزیاکے وائس گورنرمسٹروینگ حیشن کی قیادت میں تین رکنی وفد دوروزہ سرکاری دورے پرلاہورپہنچ گیا سابق میئرلاہور خواجہ احمدحسان نیصوبائی وزیرآصف سعید ، ڈی سی اولاہورکیپٹن ریٹائرڈ محمدعثمان اورسیکرٹری سپورٹس ایں ڈ کلچرنیئراقبال سمیت ڈی جی پروٹوکول نورالحسن کے ہمراہ وائس گورنر کا استقبال کیا۔ وائس گورنرآف ننگزیا مسٹروینگ حیشن وزیراعلی پنجاب شہباز شریف سے ملاقات کرنے کے ساتھ ساتھ دیگر تقریبات میں شرکت کرینگے مسٹروینگ حیشن آج سوموار شام واپس چین روانہ ہونگے۔
