کراچی(این این آئی)کراچی کے علاقے پیرآباد سے گرفتار سنی تحریک کے کارکن توفیق عرف مداری نے دوران تفتیش پولیس اہلکاروں سمیت متعددافراد کے قتل کا اعتراف کیاہے۔تفتیشی حکام کے مطابق ملزم توفیق عرف مداری نے پولیس اہلکاروں پرحملے،ٹارگٹ کلنگ اوربھتہ خوری سمیت متعددوارداتوں میں ملوث ہونے کا اعتراف کیاہے۔ ملزم نے تفتیشی حکام کو بتایا کہ وہ گیارہ رکنی گروہ کے ساتھ مل کرپاورہاؤس چورنگی نارتھ ناظم آباد میں پولیس موبائل پرحملہ کیا،جس کے بدلے میں انہیں 5،5 ہزارروپے دیئے گئے۔تفتیشی حکام کے مطابق ملزم فیکٹریوں سے لاکھوں روپے بھتہ بھی وصول کرتاتھا۔

موضوعات:سنی تحریک