پشاور(نیوزڈیسک)تحریک انصاف کے رکن صوبائی اسمبلی خیبرپختونخوا جمشید مہمند نے مسلم لیگ ن میں شمولیت کا فیصلہ کرلیا، اسلام آباد بند کرنے کی تیاریوں میں مصروف عمرا ن خان کیلئے نیا مسئلہ کھڑا ہوگیا، تفصیلات کے مطابق حکومت کے خلاف فائنل راﺅنڈ کی تیاریوں میں مصروف عمران خان کیلئے ایک اور مسئلہ کھڑا ہوگیا ہے ذرائع کے مطابق خیبرپختونخوا سے رکن صوبائی اسمبلی جمشید مہمند نے مسلم لیگ ن میں شامل ہونے کا فیصلہ کرلیا ہے معلوم ہوا ہے کہ تحریک انصاف کے متعدد ارکان مسلم لیگ ن کے ساتھ رابطے میں ہیں اور آئندہ چند روز میں وہ بھی شمولیت کا اعلان کرسکتے ہیں۔