کراچی (مانیٹرنگ ڈیسک) متحدہ قومی موومنٹ پاکستان کی رابطہ کمیٹی کے رکن خواجہ اظہارالحسن نے کہاہے کہ ہم مہاجروں اورایم کیوایم کی تقسیم درتقسیم نہیں ہونے دینگے،ایم کیوایم کارکنان کی پراپرٹی ہے اسے کوئی نہیں چھین سکتاہمارے بچے بھی ایم کیوایم کاحصہ ہیں ہم تحریک کوڈوبنے نہیں دینگے بلکہ اسے پیروں پرکھڑاکرینگے۔انہوں نے کہاکہ ایم کیوایم پاکستان16 اکتوبر کو شاندار لیبرورکرزاجلاس منعقدکرینگی۔ یہ بات انہوں نے ایم کیوایم پاکستان کے عارضی مرکزپیرالہیٰ بخش کالونی میں منعقدہ لیبرڈویژن کے عہدیداران کے ایک اجلاس سے خطاب کرتے ہوئے کہی۔اجلاس میں لیبرڈویژن سے تعلق رکھنے والے مختلف سرکاری ونیم سرکاری اداروں کے عہدیداران،کارکنان اورسی بی اے یونین عہدیداران نے شرکت کی ۔ اس موقع پررابطہ کمیٹی کے ارکان سیدفیصل سبزواری،زاہدمنصوری اور لیبر ڈویژن کے ذمہ داران نے بھی موجودتھے۔خواجہ اظہارالحسن نے کہاکہ ایم کیوایم کے کارکنان اپنے رویئے اور نظم وضبط پرتوجہ دیں اورتحریک کے بنیادی فلسفے کے مطابق اپناحصہ ڈالیں۔ایم کیوایم میں فیورٹ ازم اورخوشامدکاسلسلہ اب بندکیاجائے گاماضی میں ہونے والی غلطیوں کاازالہ کیاجائیگا۔ انہوں نے کہاکہ جلد100روزہ عوامی خدمت مہم شروع کی جارہی ہے جس میں تمام سوک ادارے ملکرشہرکی صفائی ،سڑکوں سمیت تمام امورانجام دینگے۔ کارکنان اور شہری بھی اس 100روزہ مہم میں حصہ لینگے۔انہوں نے کہاکہ ایم کیوایم کوختم کرنے کی سازش ہورہی ہے ہم نے 22اگست کے بعدبھی اس سازش کوناکام بنایاتھااوراب بھی بنائینگے۔رابطہ کمیٹی نے رکن فیصل سبزواری نے کہاکہ فیس بک اورٹوئٹرسے انقلاب نہیںآتے ورنہ عمران خان وزیراعظم ہوتے۔انقلاب جدوجہد،اتحاداورمشن پرعمل سے آتاہے ، ایم کیوایم پاکستان نظریہ عملیت پسندی اورحقیقت پسندی پرکاربندہے اسے اصل شکل میں لاکر حقوق کے حصول کے لئے عملی جدوجہدکے کارفرماہیں۔جلدہم سب اتحادسے ایم کیو ایم پہلے سے زیادہ مضبوط ہوگی۔فیصل سبزواری نے کہاکہ ہم اپنی قوم کومایوس نہیں کرینگے ،استعفیٰ کوئی مسئلہ نہیں ظلم بندنہ ہوااورایم کیوایم کوختم کرنے کاعمل جاری رہاتوانتہائی فیصلے پر غور کرینگے۔انہوں نے مزیدکہاکہ کوئی کچھ بھی کرے ہم ایم کیوایم کوتقسیم نہیں ہونے دینگے خواہشات کرنے والے مایوس ہونگے،22اگست کوگرفتارہونے والی بہنوں کے جسمانی ریمانڈ کی تکلیف محسوس ہوتی ہے ایم کیوایم شہداء ،اسیروں اوروفادارکارکنوں کی پارٹی ہے قائم ودائم رہینگی۔ڈاکٹرمحمد فاروق ستارنے حق پرستوں کے لئے بھرپورکردار ادا کیا ہے اس لئے آج انہیں عزت سے مخالفین بھی پکاررہے ہیں انشاء اللہ مہاجروں کے مسائل حل بھی ہونگے اورایم کیوایم کے بنیادی فلسفہ پربھی عمل ہوگا۔

موضوعات:ایم کیو ایم خواجہ اظہارالحسن