اسلام آباد (مانیٹرنگ ڈیسک)راج ہمارا ،بادشاہت ہماری ‘کوئی کچھ نہیں بگاڑ سکتا ‘گھروں میں غیر قانونی چھاپے‘ گاڑیاں خریدنا‘ کوٹھیاں بنانا شروع کر دیں عوام کا وزیراعظم فاروق حیدر‘ سپیکر اسمبلی شاہ غلام قادر‘ چیف سیکرٹری‘وزیر و سیکرٹری جنگلات سے نوٹس لینے کامطالبہ کر دیا ۔محکمہ جنگلات شاردہ رینج کے آفیسرسلطان اکبر نے نیلم کی عوام کے لیے سلطان راہی کا روپ دھارلیا۔گھروں میں غیر قانونی چھاپے،مال ضبط کر کے اپنی گاڑیاں خریدنا اور کھوٹیاں بنانا شروع کر دیں۔راج ہمارا ،بادشاہت ہماری ،ہماری حکومت ہے ہمارا کوئی کچھ نہیں بگاڑ سکتا سلطان کی عوام کو دھمکیاں۔تفصیلات کے مطابق محکمہ جنگلات شاردہ ڈویژن کے رینج آفیسر سلطان اکبر نے علاقہ کے اندر اپنی اجارہ داری قائم کر رکھی ہے اور لوگوں کے گھروں میں غیر قانونی چھاپے مار کر عوام علاقہ کو تنگ کررکھا ہے لوگوں کے گھروں سے محکمہ کی آڑ میں مال لوٹ کر باہر باہر سے فروخت کر کے لاکھوں روپے جمع کر لیے ہیں۔اور اس بات کی دھمکی دی جاتی ہے کہ حکومت ہماری اپنی ہے ہمارے دل میں جوآئے ہم کریں گے کوئی ہم سے پوچھ نہیں سکتا ہے دو ماہ قبل شاردہ کھریگام ملک طاہر اسلام کے گھروں سے گھچی لے کر فرار ہوگیا جو کہ ملک طاہر اسلام کی ذاتی ملکیت اور ٹیکس شدہ قانونی تھی جو کہ محکمہ کے اندر جمع نہ کرائی او باہر باہر سے فروخت کر دی۔ملک طاہر اسلام نے وزیراعظم آزاد کشمیر راجہ فاروق حیدر خان، سپیکر اسمبلی شاہ غلام قادر ‘چیف سیکرٹری،وزیر جنگلات ،سیکرٹری جنگلات سے مطالبہ کیا ہے کہ وہ نوٹس لے کر کرپٹ آفیسر سے عوام کی جان چھرائیں لوگوں کی چادر چاردیواری کا تقدس پامال ہونے سے بچائیں۔
جبکہ دوسری جانب وزیر اعظم آزاد کشمیر راجہ فاروق حیدر خان نے بھارتی مقبوضہ کشمیر کے دورے کے لیے فارم حاصل کر لیا فاروق حیدر بس سروس کے زریعے سری نگر جانے کے لیے رواں ہفتے فارم جمع کروائیں گے فاروق حیدر اس دورے کے دوران مقبوضہ کشمیر کی سیاسی قیادت سے بھی ملاقات کریں گے فاروق حیدر آزاد کشمیر کے دوسرے وزیر اعظم ہوں گے جو مقبوضہ کشمیر جائیں گے اس سے قبل بیرسٹر سلطان محمود چوہدری مقبوضہ کشمیر گئے تھے تاہم بیرسٹر سلطان محمود جب سری نگر گئے تھے وہ سری نگر کی حکومت کے مہمان تھے اور بذریعہ جہاز ہندوستان کے راستے کشمیر گئے تھے فاروق حیدر بس سروس کے زریعے براستہ چکوٹھی سری نگر جانے کا ارادہ رکھتے ہیں انھوں نے رشتہ داروں کو ملنے کا جواز بنا کر دورے کا پروگرام بنایا ہے بیک ڈور ڈپلومیسی کے تحت فاروق حیدر کو ویزہ ملنے کے قوی امکانات ہیں زرائع کا کہنا ہے کہ حریت کانفرنس اور محبوبہ مفتی دونوں اپنے زرائع اور تعلقات استعمال کریں گے کہ انھیں دورے کی اجازت مل جائے

موضوعات:سلطان راہی کا نیا روپ