لاہور(مانیٹرنگ ڈیسک)وفاقی وزیرخزانہ اسحاق ڈار نے ایمرجنگ اکانومی پر ملنے والاایوارڈحضر ت داتاگنج بخش کے نام کردیا۔اسحاق ڈارنے اس موقع پرگفتگوکرتے ہوئے کہاکہ حضرت داتا گنج بخش کے دربار پر ہرعقیدے کے لوگ آتے ہیں، انہوں نے کہاکہ مجھے ملنے والے ایوارڈ کا کریڈٹ وزیراعظم نوازشریف کو جاتا ہے۔انہوں نے کہاکہ پاکستانی معیشت ٹیک آف کی پوزیشن میں ہے اورکچھ قوتیں پاکستانی معیشت کوترقی کرتانہیں دیکھ سکتی ہیں ۔انہوں نے کہاکہ اس ترقی میں رکاوٹ ڈالنے والوں کوپاکستانی عوام شکست دینگے ۔انہوں نے مزیدکہاکہ حضرت داتا گنج بخش کے اصولوں پر چل کرکامیابی حاصل کی جاسکتی ہے۔اسحاق ڈارنے کہاکہ دہشتگردی پرقابوپالیاگیاہے اورجلدہی دہشتگردی کاناسوربھی ختم ہوجائے گاجس کے بعد ترقی کی رفتارمزید تیزہوجائے گی ۔