اسلام آباد (آئی این پی ) اسلام آباد سمیت ملک کے مختلف علاقوں میں بارش سے موسم خو شگوار ہوگیا ،گرمی اور لوڈشیڈنگ کے ستائے چہرے خوشی سے کھل اٹھے ،محکمہ موسمیات نے آئندہ 24گھنٹوں میں اسلام آباد ،پنجاب ،خیبر پختونخوا سمیت دیگر علاقوں میں بارش کی پیشگوئی کردی ۔بدھ کو محکمہ موسمیات کے مطابق مالاکنڈ، ہزارہ، پشاور،کوہاٹ، مردان، بنوں،راولپنڈی،گوجرانوالہ،سرگودھا، فیصل آباد، لاہور، میر پور خاص ڈویژن، بالائی فاٹا، اسلام آباد،کشمیر اور گلگت بلتستان میں کہیں کہیں پر تیز ہواؤں/آندھی اور گرج چمک کیساتھ بارش کا امکان ہے۔ اس طرح ملک کے دیگر علاقوں میں موسم گرم اور خشک رہے گا۔ آئندہ 48گھنٹوں میں مالاکنڈ، ہزارہ، پشاور،کوہاٹ، مردان، سرگودھا، فیصل آباد، لاہور، گوجرانوالہ، راولپنڈی ڈویژن، بالائی فاٹا، اسلام آباد، کشمیر اور گلگت بلتستان میں چند ایک مقامات پر تیز ہواؤں اور گرج چمک کیساتھ بارش کا امکان ہے۔ ملک کے دیگر علاقوں میں موسم خشک رہے گا۔ گزشتہ 24 گھنٹوں میں ملک کے بیشتر علاقوں میں موسم گرم اور خشک رہا۔ تاہم مالاکنڈ، ہزارہ، راولپنڈی ڈویژن، اسلام آباد اور کشمیر میں کہیں کہیں پر گرج چمک کیساتھ بارش ہوئی۔ سب سے زیادہ بارش ایبٹ آباد 63، بالاکوٹ 08، لوئیر دیر 07، سیدوشریف 04، مالم جبہ 03، کالام 02، پٹن 01،مری 23، اسلام آباد (سیدپور 25، زیروپوائنٹ 06، بوکڑہ 03)، راولپنڈی (شمس آباد22، گولڑہ 10، چکلالہ 04)،مظفرآباد 09، گڑھی دوپٹہ 02، راولاکوٹ میں 01 ملی میٹر ریکارڈ کی گئی۔ واضح رہے کہ گزشتہ روز سبی، تربت 42، شہیدبینظیرآباد41، دادو، روہڑی، پڈعیدن، سکھر، نورپورتھل میں 40 ڈگری سینٹی گریڈ درجہ حرارت ریکارڈ کیا گیا ۔ ،محکمہ موسمیات نے آئندہ 24گھنٹوں میں اسلام آباد ،پنجاب ،خیبر پختونخوا سمیت دیگر علاقوں میں بارش کی پیشگوئی کردی ۔بدھ کو محکمہ موسمیات کے مطابق مالاکنڈ، ہزارہ، پشاور،کوہاٹ، مردان، بنوں،راولپنڈی،گوجرانوالہ،سرگودھا، فیصل آباد، لاہور، میر پور خاص ڈویژن، بالائی فاٹا، اسلام آباد،کشمیر اور گلگت بلتستان میں کہیں کہیں پر تیز ہواؤں/آندھی اور گرج چمک کیساتھ بارش کا امکان ہے۔ ملک کے دیگر علاقوں میں موسم گرم اور خشک رہے گا۔