لاہور(این این آئی ) پنجاب حکومت نے بچوں کو مختلف بیماریوں سے بچانے والی ویکسی نیشن پر بھی ٹیکس عائد کردیا ہے جس پر وفاقی محکمہ صحت نے تحفظات کا اظہار کرتے ہوئے صوبائی حکومت کو ٹیکس واپس لینے کے لئے مراسلہ ارسال کردیا ۔ذرائع کے مطابق پولیو سمیت بچوں کو نو بیماریوں سے بچانے والی ویکسین پر 0.9فیصد کی شرح سے ٹیکس عائد کیا گیاہے جسے وفاقی محکمہ صحت کی جانب سے واپس لینے کا مطالبہ کیا گیا ہے ۔پولیو کی ویکسین عالمی ادارہ صحت کی جانب سے 70 لاکھ بچوں کے لیے مفت فراہم کی جاتی ہے۔ پنجاب حکومت کی جانب سے ٹیکس انفرا سٹرکچر ڈویلپمنٹ کی مد میں عائد کیا گیا ہے۔دوسری طرف وفاقی محکمہ صحت نے اس پر اپنے تحفظات ظاہر کرتے ہوئے چیف سیکرٹری پنجاب کو مراسلہ بھجوایا ہے جس میں کہا گیا ہے کہ عالمی ڈونرز کی جانب سے پاکستان کو مفت ادویات دی جاتی ہیں ۔ مفت ملنے والی ادویات پر کسی قسم کا ٹیکس لاگو نہیں ہوتا۔ وفاقی محکمہ صحت نے پنجاب حکومت سے انفراسٹر اکچر ڈویلپمنٹ کی مد میں عائد کیا جانے والا ٹیکس واپس لینے کا مطالبہ کیا ہے۔ذرائع کے مطابق پنجاب ریو نیو اتھارٹی نے اس حوالے سے مشاورت شروع کر دی ہے جس کے بعد وفاقی حکومت کو جوابی خط ارسال کیا جائے گا۔
حکومت نے انوکھا ٹیکس عائد کردیا
9
ستمبر 2016
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں