اسلام آباد(نیوز ایجنسیاں)محکمہ موسمیات نے کہا ہے کہ عیدالاضحی کے موقع پر ملک کے بیشتر علاقوں میں موسم خوشگوار اور ٹھنڈا رہے گا۔محکمہ موسمیات کے مطابق عیدالاضحی پر ملک کے بیشتر علاقوں میں موسم خوشگوار اور ٹھنڈا رہے گا اور اس دوران گرمی کی لہر کی شدت کم ہوجائے گی ٗ عید کے موقع پر ملک کے بیشتر علاقوں میں بارش کا بھی امکان ہے۔ محکمہ موسمیات کے مطابق سندھ اور بلوچستان میں عید کے روز شام کو ٹھنڈی اورتیز ہوائیں چلیں گی ٗ جنوبی پنجاب، سندھ اور بلوچستان میں موسم بدستور خشک رہیگا۔