اسلام آباد(مانیٹرنگ ڈیسک) نجی ٹی وی پروگرام میں سینئر تجزیہ نگار نے حیران کن دعویٰ کر دیا۔ نجی ٹی وی پروگرام میں گفتگو کرتے ہوئے سینئر تجزیہ نگار نے کہا کہ اگرچہ مسلم لیگ (ن) بظاہر یہ کہہ رہی ہے کہ وہ کسی پریشر میں نہیں لیکن مجھے ذرائع نے بتایا ہے کہ میاں نواز شریف نے اپنی خاص کیبنٹ کے سامنے آخر کار ایک فیصلہ کر ہی لیا ہے کہ وہ صورتحال گھمبیر ہونے پر پیچھے ہٹ جائیں گے اور خرم دستگیر کو اپنی جگہ وزیر اعظم بنا دیں گے۔ سینئر تجزیہ نگار سمیع ابراہیم نے دعویٰ کیا کہ وزیر اعظم نواز شریف نے کیبنٹ میٹنگ میں سب کو یہ کہہ دیا ہے کہ اگر معاملہ مزید خراب ہوا تو میں پیچھے ہٹ جاؤں گا اور وزیر اعظم کا عہدہ خرم دستگری خان سنبھال لیں گے۔ سینئر تجزیہ نگار سمیع ابراہیم نے انکشاف کیا کہ گزشتہ ایک ہفتے کے دوران میاں نواز شریف دو بار خرم دستگیر خان کے گھر بھی جا چکے ہیں۔ سمیع ابراہیم کا نجی ٹی وی پروگرام میں گفتگو کرتے ہوئے کہنا تھا کہ وزارت عظمیٰ کیلئے اور بھی نام سامنے آئے ہیں لیکن خرم دستگیر خان اس صورت میں مضبوط ترین امیدوار ہیں۔