اسلام آباد( مانیٹرنگ ڈیسک ) نیشنل الیکٹرک پاور اینڈ ریگولیٹری اتھارٹی (نیپرا) نے چائنا پاور حب کمپنی کو آئندہ 30 سال کے لیے 1320 میگاواٹ کول پاور جنریشن کا لائسنس جاری کردیا۔بلوچستان کے علاقے ضلع لسبیلہ کی تحصیل گڈانی میں تعمیر ہونے والے اس منصوبے سے گوادر سمیت بلوچستان اور سندھ کے علاقوں کو بجلی کی سپلائی کی جاسکے گی۔
نیپرا حکام کے مطابق چائنا پاور حب کمپنی کو 1320 میگاواٹ کول پاور جنریشن لائسنس جاری کردیا گیا ہے جبکہ صرف 20 میگا واٹ کول منصوبہ حب پاور کمپنی اور چائنا پاور انٹرنیشنل ہولڈنگ تعمیر کریں گی۔نیپرا کے مطابق پلانٹ بلوچستان کے ضلع لسبیلہ کی تحصیل گڈانی میں تعمیر کیا جائے گا اور اس منصوبے سے گوادر سمیت بلوچستان اور سندھ کے علاقوں کو بجلی سپلائی ہوگی، جسے 2018 تک مکمل کیا جائے گا۔حکام کا مزید کہنا تھا کہ اس منصوبے سے درآمدی کوئلے کے ذریعے بجلی پیدا کی جائے گی اور کول پاور منصوبے سے ساڑھے 8 روپے فی یونٹ بجلی پیدا ہوگی۔
چائنہ کو پاکستان میں ایسے منصوبے پر کام کرنے کی اجازت مل گئی جس کا قوم کو شدت سے انتظار تھا ، بڑی خبر
9
ستمبر 2016
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں