راولپنڈی(مانیٹرنگ ڈیسک )سٹی ٹریفک پولیس آفیسر نے عیدالاضحی کے موقع پر عوام کیلئے ٹریفک پلان جاری کردیا گیا،عید کے موقع پر مری میں 350وارڈنز تعینات کیے جائیں گے۔جمعہ کو سٹی ٹریفک پولیس آفیسر نے عیدالاضحی کے موقع پر ٹریفک کیلئے پلان جاری کردیا،عیدکے موقع پر مری میں موٹرسائیکلوں کے داخلے پر مکمل پابندی عائد ہوگی اور مقررہ پارکنگ کے علاوہ گاڑیاں پارک کرنے کی اجازت نہیں ہوگی،مری میں ٹرک اور بڑی گاڑیوں کے داخلے پر پابندی ہوگی،عید کے موقع پر مری میں 350وارڈنز تعینات کیے جائیں گے۔