اسلام آباد(مانیٹرنگ ڈیسک) وزیر اعظم پاکستان میاں محمد نواز شریف نے اپنے دورہ امریکہ اور ڈنمارک میں تبدیل کر لی ہے ۔نواز شریف نے وطن واپسی کے پروگرام میں تبدیلی اپوزیشن احتجاج کے پیش نظر کی ہے ۔
تفصیلات کے مطابق 16 ستمبر کو ڈنمارک روانہ ہونے کے بعد نواز شریف اقوام متحدہ کی جنرل اسمبلی کے اجلاس میں شرکت کے لئے امریکہ جائیں گے جس کے بعد 25 ستمبر کو ان کی واپسی طے تھی مگر وزیر اعظم نے اپنے شیڈیول کو تبدیل کر لیا ہے اب نواز شریف واپسی پر لندن جائیں گے اور وہاں کچھ روز قیام کے بعد وطن واپس آئیں گے۔پاکستان تحریک انصاف کی جانب سے چلائی جانے والی تحریک احتساب کے گزشتہ جلسے میں عمران خان نے اعلان کیا تھا کہ 24 ستمبر کو رائے ونڈ کی جانب مارچ کریں گے جس کے بعد سے حکومتی حلقوں میں کافی بے چینی پائی جارہی تھی جبکہ سیاسی جماعتوں کی جانب سے بھی نواز شریف کے گھر جانے کے فیصلے کو تنقید کا نشانہ بنایا جا رہا تھا۔ مگر اس سلسلے میں نواز شریف نے آج نئی حکمت عملی کے تحت بیرون ملک دورے کو طویل کرنے کا فیصلہ کر لیا ہے تاکہ اپوزیشن کے احتجاج سے بچا جا سکے۔

موضوعات:نواز شریف