ملتان (این این آئی) ملتان میں پولیس نے قندیل بلوچ کیس میں مفتی عبدالقوی سے تفصیلی جواب مانگ لیا ۔ مفتی عبدالقوی اپنی لیگل ٹیم سے مشاورت کے بعد تحقیقاتی ٹیم کو اپنا تحریری بیان بھجوائیں گے ۔ تفصیلات کے مطابق ملتان میں قندیل قتل کیس کے حوالے سے مقدمہ میں نامزد کئے جانے کے بعد تحقیقاتی ٹیم نے مفتی عبدالقوی سے تفصیلی جواب طلب کر لیا ذرائع کے مطابق مفتی عبدالقوی اپنی لیگل ٹیم کی مشاورت کے بعد پولیس کو اپنا تحریری بیان جمع کروائیں گے ۔ دوسری جانب ذرائع نے دعویٰ کیا کہ پولیس ، پنجاب حکومت کی اعلیٰ شخصیت کے دباؤ پر آئندہ چند روز میں مفتی عبدالقوی کے حوالے سے تحقیقات مکمل کر لے گی اور اس کی رپورٹ اعلیٰ حکام کو بھجوادی جائے گی