راولپنڈی (مانیٹرنگ ڈیسک) پاکستان کے یوم آزادی پر بھی بھارت اپنی بے وقوفانہ حرکات سے باز نہ آیا، کنٹرول لائن کی خلاف ورزی کرکے اپنی دشمنی کا کھلا ثبوت دے دیا۔تفصیلات کے مطابق پاک فوج کے شعبہ تعلقات عامہ (آئی ایس پی آر)کے مطابق بھارتی فورسز نے پاکستان کے یوم آزادی پر کنٹرول لائن پر بلا اشتعال فائرنگ اور گولہ باری کی ہے،بھارتی فورسز نے نیزا پیر سیکٹر میں کنٹرول لائن کی خلاف ورزی کرتے ہوئے ہلکے اور بھاری ہتھیاروں سے فائرنگ کی،آئی ایس پی آر کے مطابق بھارتی فورسزکے فائرکیے گئے کچھ گولے عام شہریوں کے گھروں پر گرے تاہم ابھی تک کسی جانی نقصان کی اطلاع نہیں ملی۔آئی ایس پی آر کا کہنا ہے کہ بھارتی فورسز نے رات 2بجے تا صبح ساڑھے 8 بجے تک فائرنگ کی تاہم پاک فوج کی جانب سے بھرپور جوابی کارروائی کے نتیجے میں دشمن ناکوں چنے چبانے پر مجبور ہوگیا اور خاموشی سے اپنے بل میں گھس گیا۔

موضوعات:باز نہ آیا بڑا اقدام بھارت یوم آزادی