ملتان (این این آئی)سائبر کرائم ایکٹ پاس ہونے کے بعد پہلا مقدمہ درج کر لیا گیا ۔ پولیس نے سوشل میڈیا پر لڑکیوں کو ایڈ کر کے رشتہ کرنے پر اکسانے والے گروہ کو گرفتار کر لیا ۔نجی ٹی وی کے مطابق ملتان پولیس نے لڑکیوں کوسوشل میڈیا پررشتے کیلئے اکسانے والے گروہ کے پانچ افراد کے خلاف مقدمہ درج کر لیا ملزمان میں حارث، ولید اور اسد سمیت دیگر دو ساتھی شامل ہیں جن کے خلاف لڑکیوں کی جانب سے شکایات درج کرائی گئیں تھیں جس پر کارروائی کی گئی ہے ۔ پولیس حکام نے بتایا کہ ملزمان مطالبہ پورا نہ ہونے پر تیزاب پھینکنے کی بھی دھمکیاں دیتے تھے تاہم ملزمان کی گرفتاری کے لئے ٹیمیں تشکیل دیدی گئی ہیں