ملتان (نیوز ڈیسک ) سینئر سیاستدان مخدوم جاوید ہا شمی نے کہا ہے کہ میرے خلاف دہشت گردی کے مقد مات ہمارے ماتھے کا جھو مر ہیں جو ملتان سے نہیں بلکہ لا ہور کے حکم سے درج ہو تے ہیں مگر پھر بھی شہباز شریف کا شکر گزار ہوں کہ زرعی یو نیورسٹی کے معا ملہ پر تو جہ دیکر میرے مشن کو پورا کردیا ۔وہ منگل کو یہاں اپنی رہا ئش گاہ پر پریس کا نفر نس سے خطاب کر رہے تھے۔ مخدوم جاوید ہا شمی نے کہا کہ وہ مارشل لا ء، عمران خان اور اپنے خا ندان کے با غی ہیں کیونکہ زرعی یونیورسٹی کے معاملے پر کسی سیاسی قوت کے تعاون کے بغیر ایک مشکل مشن میں کا میاب ہو گیا ہوں جس پر میں حکو مت ،ملتان انتظا میہ اور مخدوم رشید کی عوام کا بے حد شکر گزار ہوں کہ زرعی یو نیورسٹی کا قیام عمل میں آگیا جس پر جلد ہی کام شروع ہو جا ئے گا ۔سینئر سیاستدان نے کہا کہ شہباز شریف میرے نئےمنصو بوں کو کھلے دل کے ساتھ منظور تو کر لیتے ہیں لیکن جب کام شروع کر نے کی باری آتی ہے تو دل کو چھوٹا کر لیتے ہیں ۔مخدوم جاوید ہا شمی کا کہنا تھا کہ جنو بی پنجاب سے صدر پا کستان ،وزیر اعظم ،سپیکر قومی اسمبلی اور وزراءتک بنے لیکن کسی نے بھی تعلیم اور صحت پر کو ئی تو جہ نہ دی مگر میں آج سرخرو ہو گیا ہوں کہ زرعی یو نیورسٹی کا منصو بہ منظور اور میڈیکل یو نیورسٹی کا منصو بہ اگلے چند ماہ میں منظور ہو جا ئے گا ۔انہوں نے کہا کہ عمران خان کے بغیر تمام ارکان اسمبلی اجلاسوں میں جا کر مزے لے رہے ہیں اور میری بات سچ ثا بت ہو رہی ہے جب اس بارے بات ہو تی ہے تو کچھ لو گ کہتے ہیں کہ اگر ہم بات کریں گے تو آپ وا لا حشر ہو گا پھر بھی آج میں عمران خان کا بے حد احترام کرتا ہوں ۔ انہوں نے کہا کہ میں نئے صو بے کے حق میں ہوں کیو نکہ اس کے بغیر مسائل کا حل ممکن نہیں اور شہباز شریف کی کار کردگی دوسروں کی نسبت بہتر ہے کہ وہ بڑے صو بے کے معا ملات چلا رہے ہیں ۔مخدوم جاوید ہا شمی نے مزید کہا کہ کہ ورلڈ کپ میں کر کٹ ٹیم کی کارکردگی سے مایوس ہوں اور معین خان کو کاسینوں میں جا کر کھانا نہیں کھا نا چا ہیے تھا وہاں جو کام ہوتے ہیں وہ کسی سے چھپے ہو ئے نہیں اور نجم سیٹھی کو کرکٹ کی فیلڈ میں نہیں آنا چا ہیے تھا کیو نکہ یہ انکی سمجھ سے با لا تر ہے ۔