نبیل گبول کا کہنا ہے کہ میں ایم کیو ایم میں مس فٹ تھا‘ عنقریب بڑی سیاست کروں گا‘کسی کی دھمکی میں نہیں آﺅ ں گا‘کسی مائی کے لعل میں ہمت نہیں جو مجھے ہاتھ لگائے‘ قومی اسمبلی سیٹ سے استعفیٰ دیا ہے‘ پارٹی سے نہیں‘ ایم کیو ایم کا گراﺅنڈ نیشنل لیول کا نہیں ہے‘ میں قومی سطح پر کھیلنا چاہتا ہوں‘ رابطہ کمیٹی کے ارکان میرے دوست ہیں‘ استعفیٰ 15 دن پہلے پارٹی کو پیش کیا تھا۔ پارٹی میں ابھی بھی کئی لوگوں سے دوستی ہے جبکہ نبیل گبول کے استعفے کے جواب میں ایم کیو ایم کے ترجمان رشید گوڈیل کاکہنا ہے کہ نبیل گبول نے پارٹی نہیں چھوڑی‘ نبیل گبول نے ذاتی وجوہات کی بنا پر استعفیٰ دیا ہے‘ پارٹی نے نبیل گبول کو اسمبلی کی رکنیت سے مستعفی ہونے کا مشورہ دیا تھا۔ نبیل گبول سی ای سی کے بدستور ممبر ہیں۔ نبیل گبول کو پریس کانفرنس کرنے سے نہیں روکا۔ ایم کیو ایم کی جڑیں ہر شہر میںموجود ہےں۔