نبیل گبول نے قومی اسمبلی کی رکنیت سے مستعفی ہونے کا فیصلہ کر لیا ہے‘ کہتے ہیں استعفیٰ سپیکر قومی اسمبلی کو بھیج دیا ہے۔ کل اسلام آباد میں پریس کانفرنس کرکے اپنے آئندہ کے لائحہ عمل کا اعلان کروں گا۔یاد رہے کہ نبیل گبول اس سے پہلے پیپلز پارٹی کی قیادت سے اختلافات کے باعث پیپلز پارٹی سے مستعفی ہو کر ایم کیو ایم میں شامل ہوئے تھے۔ نبیل گبول اپنے دلیرانہ خیالات ‘ سیدھے ‘ سچے اور کھرے بیانات کے حوالے سے جانے جاتے ہیں۔ نبیل گبول میڈیا میں اپنے بے لاگ تجزیوں کے حوالے سے بہت مشہور ہیں۔ نبیل گبول کے استعفے کے پیچھے کیا وجوہات ہیں اس کا پتہ تو ا ن کی کل کی پریس کانفرنس سے چلے گا۔