اسلام آباد(نیوز ڈیسک)کفر ٹوٹا خد ا خدا کر کے ،تحریک انصاف کے چیئرمین عمران خان نے مسلم لیگ نواز کی تعریف کر ہی ڈالی۔ خان صاحب کا کہنا ہے یوں تو مسلم لیگ ن کے بہت کم اقدامات اچھے لگتے ہیں تاہم آئینی ترمیم اچھا فیصلہ ہے۔ جوڈیشل کمیشن کے معاملے پر پیچھے نہیں ہٹے۔ مسئلہ حل نہ ہوا تو جلد سڑکوں پر آئیں گے۔ دبئی روانگی سے پہلے بنی گالہ کے بھیگے موسم میں عمران خان نے ٹھنڈے ٹھار انداز میں میڈیا سے باتیں کیں۔ عمران خان نے کہا صوبہ پختون خوا میں بہت صلاحیت ہے دبئی جانے کا مقصد پختون خوا کے لیے سرمایہ کاری لانا ہے۔