واشنگٹن (مانیٹرنگ ڈیسک)افغانستان کے امریکہ میں سفیر ہمداللہ محیب نے الزام عائد کیا ہے کہ پاکستان دہشتگردوں کو محفوظ پناہ گاہیں فراہم کررہا ہے، دہشتگرد پاکستان کے شہروں میں کھلے عام سیکورٹی فورسز کی نگرانی میں چندہ اکٹھا کرتے ہیں عسکریت پسندوں کی قیادت پاکستان کے شہروں اور سرحدوں میں موجود ہے،پاکستان اچھے اور برے طالبان میں فرق نہ کرے ۔غیر ملکی میڈیا کے مطابق ایسپن سیکورٹی فورم سے خطاب کرتے ہوئے ہمداللہ محیب نے الزام لگایا کہ دہشتگرد پاکستان کے شہروں میں محفوظ طریقے سے رہ رہے ہیں اور کھلے عام سیکورٹی فورسز کی نگرانی میں چندہ اکٹھا کرتے ہیں۔عسکریت پسندوں کی قیادت پاکستان کے شہروں اور سرحدوں میں موجود ہے ۔
ہمداللہ محیب نے کہا کہ کابل کے اسلام آباد کے خلاف الزامات حقائق پر مبنی ہیں القاعدہ رہنما اسامہ بن لادن ،طالبان امیر ملا منصور اور ملا عمر پاکستان میں ہی پائے گئے اور کوئٹہ شوریٰ بھی بلوچستان میں موجود ہے ۔افغانستان دہشتگردوں کو برداشت نہیں کرے گا کیونکہ یہ عالمی خطرہ ہیں۔انکا کہنا تھاکہ افغانستان ،پاکستان ،امریکہ اور چین پر مشتمل چار فریقی گروپ کی جانب سے وعدے پورے نہیں کیے گئے ۔انکا کہنا تھاکہ پاکستان اچھے اور برے طالبان میں فرق نہ کرے ۔

موضوعات:افغانستان پاکستان پاکستان دہشتگردوں کو محفوظ پناہ گاہیں سنگین الزام