اسلام آباد(مانیٹرنگ ڈیسک) معروف آسٹرالوجسٹ سامعہ خان نے عمران خان بارے بڑی پیشین گوئی کر دی۔ سامعہ خان نے کہا کہ عمران خان کے ستاروں میں تیسری شادی موجود ہے۔ اگر عمران خان شادی کرنا چاہتے ہیں تو وہ 9 ستمبر سے پہلے نکاح کسی صورت نہ کریں۔ نجی ٹی وی سے گفتگو کرتے ہوئے سامعہ خان نے کہا کہ عمران خان کے ستارے شادی کے معاملے میں اتنے اچھے نہیں۔ مین نے ان کی پہلے شادیوں بارے بھی پیشین گوئی کی تھی ۔ انہیں چند مشورے بھی دیئے تھے لیکن بد قسمتی سے انہوں نے مانے نہیں۔
سامعہ خان نے کہا کہ اگر عمران خان مجھے بہن سمجھ کر ایک مشورہ مان لیں تو وہ کامیاب رہیں گے۔ عمران خان کو میرا مشورہ ہے کہ 9 ستمبر سے پہلے کسی صورت نکاح نہ کریں۔ عمران خان اگر 9 ستمبر کے بعد نکاح کریں گے تو ان کی شادی کامیاب رہے گی۔واضح رہے کہ اس سے قبل بھی ملک کے ایک معروف ماہر علم نجوم نے عمران خان کو مشورہ دیا ہے کہ وہ تیسری شادی کرنا چاہتے ہیں تو اکتوبر ان کیلئے بہترین وقت ہے۔