اسلام آباد(مانیٹرنگ ڈیسک) فخر پاکستان عبدالستار ایدھی کی سماجی خدمات کے اعتراف میں انٹرنیٹ پر سرچ انجن گلوگل نے ان کا نام اپنے صفحہ اول پر آویزاں کردیا۔ سرچ انجن گوگل نے عبدالستار ایدھی کو خراج عقیدت پیش کرتے ہوئے ان کا نام اپنے صفحہ اول پر آویزاں کیا ہے جس میں ان کے نام کے ساتھ ان کے سن پیدائش اور وفات کا لنک جاری کیا ہے جس پر کلک کرنے سے عبدالستار ایدھی کی کئی تصاویر اور ان سے متعلق خبریں سامنے آجاتی ہیں جس میں پاکستانی اخبارات اور ٹی وی چینلز کی ویب سائٹ کے علاوہ عالمی میڈیا پر شائع و نشر ہونے والی خبریں اور معلومات موجود ہیں۔ گوگل نے لنک کے ساتھ عبدالستار ایدھی کی پروفائل ان کی اہلیہ بلقس ایدھی کے حوالے سے معلومات دی ہیں۔ اس کے علاوہ’’ وکی پیڈیا ’’ پر موجود ان کا انسائیکلوپیڈیا ،سماجی رابطوں کی ویب سائٹ ٹیوٹرکا لنک ،ایدھی فاونڈیشن اور کئی متعلقہ لنکس بھی موجود ہیں۔