مردان(مانیٹرنگ ڈیسک)خواجہ گنج بازار میں سڑک کنارے نصب بم دھماکے کے نتیجے میں 2 ٹریفک پولیس اہلکاروں سمیت 11 افراد زخمی ہوگئے۔اطلاعات کے مطابق مردان کے علاقے طورو کے خواجہ گنج بازار میں عین اس وقت دھماکا ہوا جب وہاں سے ٹریفک پولیس اہلکار گزر رہے تھے دھماکا اس قدر شدید تھا کہ اس سے قریبی عمارتوں اور دیگر املاک کو بھی نقصان پہنچا
ٗدھماکے کے نتیجے میں 2 اہلکاروں سمیت 11 افراد زخمی ہوئے جنہیں ڈی ایچ کیو ہسپتال مردان منتقل کردیا گیا جہاں زخمیوں کو طبی امداد فراہم کی جارہی ہے۔پولیس کے مطابق دھماکے میں زخمی ہونے والے ٹریفک پولیس اہلکاروں کی شناخت ابوبکر اور گل کریم کے نام سے ہوئی ہے، دھماکے کیلئے 800 گرام بارودی مواد استعمال کیا گیا جو کہ پہلے سے ہی سڑک کے کنارے نصب کیا گیا تھا۔ بارودی مواد کو ریموٹ کنٹرول کی مدد سے اڑایا گیا۔ واقعہ کے بعد علاقے کی ناکہ بندی کردی گئی ٗ سیکیورٹی فورسز کے گشت کو بھی بڑھا دیا گیا ۔