اسلام آباد(مانیٹرنگ ڈیسک) نجی ٹی وی پروگرام میں سینئر سیاستدان نے حیرت انگیز دعویٰ کر دیا۔ سینئر سیاستدان نے کہا کہ برطانوی وزیر اعظم نے پاکستانی وزیر اعظم نواز شریف کیخلاف سازش کی ہے۔سینئر سیاستدان نے نجی ٹی وی پروگرام میں گفتگو کرتے ہوئے کہا کہ ابھی تک پرویز رشید کی طرف سے یہ بیان نہیں آیا لیکن آپ یقین رکھیں کہ وہ جلد ہی بیان دیں گے کہ ڈیوڈ کیمرون نے نواز شریف کیخلاف سازش کی ہے۔ کامل علی آغا نے کہا کہ پاکستان مسلم لیگ(ن) کہتی ہے کہ تمام سیاسی جماعتوں نے پانامہ لیکس حوالے سے نواز شریف کیخلاف سازش کی ہے اس لئے ڈیوڈ کیمرون نے بھی نواز شریف کیخلاف سازش کی ہے۔ کامل علی آغا نے کہا کہ (ن) لیگ کی طرف سے یہ بیان ایک دو دن میں آ جائے گا۔
نجی ٹی وی پروگرام کے میزبان نے جب سینئر سیاستدان کامل علی آغا سے سوال کیا کہ کیا آپ سنجیدگی سے کہہ رہے ہیں تو کامل علی آغا نے کہا کہ میں بالکل سنجیدہ ہوں ۔ آپ دیکھ لینا یہی بیان آ ئے گا۔ یہ لوگ برطانیہ کو صرف سیر و تفریح، مال و دولت کے تحفظ کیلئے استعمال کرتے ہیں ۔ یہ وہاں سے کوئی اچھا سبق نہیں سیکھتے۔کامل علی آغا نے کہا کہ شریف برادران نے کئی سال مقدس سرزمین پر گزارے لیکن انہوں نے وہاں سے کوئی سبق نہیں سیکھا تو یہ انگلینڈ سے کیا سبق سیکھیں گے؟