اسلام آباد(مانیٹرنگ ڈیسک )وزیر داخلہ پاکستان چوہدری نثار علی خان نے کہا ہے کہ بھارتی وزیر خارجہ سشما سوراج بتائیں کونسی طاقتیں پاک بھارت تعلقات نہیں چاہتیں،مودی اور نواز شریف کے تعلقات کو ذاتی رنگ نہ دیا جائے ،انہوں نے کہا کہ پاکستان بھارت کے ساتھ بہت اچھے تعلقات روا رکھنا چاہتا ہے لیکن دوسری طرف سے کوئی سنجیدگی دیکھنے کونہیں مل رہی ،سوموار کو انڈین وزیر خارجہ کے جاری کردہ بیان کے جواب میں چوہدری نثار کا کہنا تھا کہ انکا بیان تعجب پر مبنی ہے سیاسی رنگ دینے کے بجائے سنجیدگی سے کام لینا چاہئے ،پہیلیوں کے بجائے وہ صاف صاف بتائیں کہ کونسی طاقتیں ہمسایہ ممالک تعلقات نہیں چاہتیں،بھارتی انتہا پسند تنظیم شیوسینا اور آرایس ایس ہمارے تعلقات کے درمیان رکاوٹ ہیں ،اگر بھارت اچھے تعلقات چاہتا ہے تو مذاکرات کے دروازے کیوں بند کررکھے ہیں ،پاکستان کا مقصد بھارت سمیت تمام ممالک سے بہتر تعلقات قائم رکھنا ہے لیکن بھارت ایسا نہیں چاہتا۔