اسلام آباد (این این آئی) سابق وفاقی وزیر مذہبی امور حامد سعید کاظمی نے سزا کے خلاف اسلام آباد ہائیکورٹ میں دو بارہ اپیل دائر کر دی ہے۔میڈیا رپورٹ کے مطابق رجسٹرار آفس نے اعتراضات عائد کرتے ہوئے ضروری دستاویزات منسلک کرنے کا حکم دیا تھا اور اب یہ اعتراضات دور کر کے دوبارہ اپیل دائر کی گئی ہے۔اپیل میں موقف اختیار کیا گیا کہ راؤ شکیل کو بطور ڈائریکٹر جنرل حج تقرری میں میرا کوئی کردار نہیں تھا اور ٹرائل کورٹ نے میڈیا ٹرائل سے متاثر ہو کر سزا کافیصلہ سنایا لہٰذا سپیشل جج سینٹرل کی جانب سے سزا کا فیصلہ کالعدم قرار دیا جائے۔