کراچی(این این آئی)صبر کے مہینے میں پی آئی اے کا مزید صبر کا درس ، پی آئی اے کی لازوال سروس بے مثال افطاری ، دوران پرواز مسافروں کی افطاری کے لئے تین کھجوروں اور پانی کی ایک بوتل کا شاندار مینیو دیدیا ۔ماضی کی طرح افطار بکس دینے کی روایت بھی ختم ، اندرون ملک سفر کرنے والے پی آئی اے بچت سکیم کی سولی چڑھ گئے۔ پی آئی اے قومی ائیر لائن ، کرایوں میں آئے روز اضافہ ، سفری سہولتوں کا دن بدن فقدان خراب جہاز ، گھنٹوں انتظار اوراب رمضان المبارک میں پی آئی اے کی شاندار افطاری کا بھی کچھ سن لیں ۔ افطار کے وقت مسافروں کو اندرون ملک بس اب دو چیزیں ہی ملیں گی ، تین کھجوریں ایک بوتل پانی ماضی میں افطار بکس دینے کی روایت ختم ، اب پی آئی اے کرے گی مزید بچت ۔ پی آئی اے کی تاریخ میں پہلی بار لیبر کلاس ملازمین کا بھی 180 روپے کا افطار سحر الاؤنس بھی بند ۔