لندن(آئی این پی)وزیراعظم کے صاحبزاد وں حسین نواز اور حسن نواز نے کہا ہے کہ وزیراعظم صحت یاب ہورہے ہیں، ڈاکٹروں نے ان کو آئی سی یو میں چہل قدمی کرائی ہے ، ان کو ہسپتال میں مزید چار سے پانچ دن لگیں گے ، دعائیں کرنے والوں کے شکرگزار ہیں جبکہ وزیر اعلیٰ پنجاب شہباز شریف نے کہاہے کہ وزیراعظم ابھی تک آئی سی یو میں ہیں ، انہیں ابھی کمرے میں شفٹ نہیں کیا گیا ۔وہ جمعرات کو وزیراعظم نوازشریف سے ملاقات کے بعد میڈیا سے گفتگو کر رہے تھے۔انہوں نے کہا کہ اللہ تعالیٰ کا شکر ہے کہ وزیراعظم نواز شریف دل کے آپریشن کے بعد صحتیاب ہورہے ہیں۔انہوں نے کہا کہ ڈاکٹرز وزیراعظم کی صحت سے مطمئن ہیں۔انہوں نے کہا کہ وزیراعظم کی جلد صحتیابی کیلئے دعائیں کرنے والوں کا شکر گزار ہوں جبکہ وزیراعلیٰ پنجاب شہباز شریف نے کہا کہ وزیراعظم ابھی تک آئی سی یو میں ہیں انہیں کمرے میں شفٹ نہیں کیا گیا۔ نجی ٹی وی سے چینل سے گفتگو میں وزیراعظم کے چھوٹے صاحبزادے نے کہا کہ وزیراعظم کی صحت بہتر ہورہی ہے تاہم وہ ابھی تک آئی سی یو میں ہیں۔حسن نواز نے کہا کہ ڈاکٹرز نے آئی سی یو کے اندر وزیراعظم کو واک بھی کروائی ہے۔گذشتہ روز وزیراعظم سے ملنا مشکل تھا مگر وہ(آج)جمعہ کو آئی سی یو سے کمرے میں منتقل کردئیے جائیں گے اور انہیں ہسپتال میں مزید 4سے 5دن لگیں گے۔