اسلام آباد(مانیٹرنگ ڈیسک) نجی ٹی وی کے پروگرام میں گفتگو کرتے ہوئے سینئر سیاستدان شیخ رشید نے بلاول بھٹو کے سیاسی کردار کو تسلیم کر لیا‘ شیخ رشید نے کہا کہ میں نے بلاول کے بارے میں اپنی رائے بدلی ہے، وہ مجھے اچھے لگنے لگے ہیں اور میچور سیاست کر رہے ہیں۔ شیخ رشید نے کہا کہ بلاول کو میں نے سمجھایا تھا کہ وہ اپنی والدہ اور نانا کے نقش قدم پر چلے نہ کے اپنے والد کے۔ واضح رہے کہ اس سے قبل امریکی صدارتی امیدوار ہیلری کلنٹن بھی بلاول کے بارے میں ایک ٹیکسٹ میسج میں ان کی تعریف کرتی نظر آئی ہیں۔ہیلری کلنٹن کے مطابق انہیں بلاول میں بے نظیر بھٹو کی جھلک نظر آتی ہے اورامید ہے وہ والدہ کی طرح کامیابیاں سمیٹیں گے اور ان کے مشن کو پایہ تکمیل تک پہنچائیں گے۔