اسلام آباد (این این آئی) ملا اختر منصور کے بارے میں اہم وفاقی وزیر کا حیرت انگیز انکشاف،امریکی دعوے کہ ملا منصور مذاکرات کے خلاف تھے کو غلط قرار دیدیا ، وفاقی وزیر دفاعی پیداوار رانا تنویر حسین نے کہا ہے کہ ملا اختر منصور مذاکرات سے مسائل کے حل کا حامی تھا، اس کی ہلاکت سے امن عمل کو دھچکا لگا ہے۔ میڈیا سے گفتگو کرتے ہوئے انہوں نے کہا کہ امریکہ سے ایف 16 طیاروں کے معاملے پر بات چیت جاری ہے، دہشت گردی کے خلاف جنگ میں ایف 16 طیاروں کا استعمال امریکہ کے حق میں بھی ہے۔ انہوں نے کہاکہ طالبان رہنماء ملا اختر منصور مذاکرات سے مسائل کے حل کا حامی تھا اور اس کی ہلاکت سے امن عمل کو دھچکا لگا ہے۔