راولاکوٹ(آن لائن) حلقہ نمبر چار پونچھ کی یونین کونسل پاچھیوٹ کے معروف سیاسی خاندان کی جموں کشمیر پیپلزپارٹی میں شمولیت ، مسلم لیگ (ن) کو شدید دھچکا ، تفصیلات کے مطابق سابق ڈسٹرکٹ کونسلر اور امید وار قانون ساز اسمبلی سرداررشید محمود (مرحوم) کے خاندان نے جموں کشمیر پیپلزپارٹی میں شمولیت اختیار کر لی ۔ گزشتہ روز باغاں پاچھیوٹ کے مقام پر ایک استقبالیہ تقریب سے سردار رشید محمود کے بیٹے عبدالسمیع اور بھائی سردار امتیاز خان نے اپنے خاندان سمیت جموں کشمیر پیپلزپارٹی میں باقاعدہ شمولیت کا اعلان کیا ۔استقبالیہ تقریب میں جموں کشمیر پیپلزپارٹی کی حلقہ نمبر چار پونچھ کے امید وارسردار محمود اقبال خان بطور خاص شریک تھے ۔ تقریب کے مہمان خصوصی امید وار قانون ساز اسمبلی سردار محمود اقبال خان تھے ، تقریب کی صدارت سردار امتیاز خان اور پروگرام میں اسٹیج سیکرٹری کے فرائض سردار مرشد اقبال نے سرانجام دیئے۔ انہوں نے نئے شامل ہونے والوںکو مبارکباد دی اور کہا کہ ان کی شمولیت سے حلقہ کے اندر جمو ںکشمیر پیپلزپارٹی کو مزید تقویت ملے گی ۔ آمدہ انتخابات میں یہ ہمارے لیے معاون ثابت ہوں گے ۔ انہوں نے کہاکہ دوسری جماعتوں سے مستعفی ہو کر جمو ںوکشمیر پیپلزپارٹی میں شامل ہونے والوں کو کبھی مایوس نہیں کریں گے اور ان کے حقوق کا ہرحال میں تحفظ کیاجائے گا ۔ جمو ںکشمیر پیپلزپارٹی حلقہ نمبر چار میں آمدہ انتخابات میں واضح اکثریت سے کامیابی حاصل کرے گی ۔ گزشتہ کئی سالوں سے حلقہ چار پر مسلط ٹولہ کا خاتمہ کیاجائے گا اور ان سے عوام کے غصب کیے گئے حقوق کا بدلہ لیاجائے گا ۔ جموں کشمیر پیپلزپارٹی کامیابی حاصل کر کے حلقہ چار کے لوگوں کا احساس محرومی ختم کرے گی ۔ اس موقع پر حاجی اسماعیل خان، سردار سجاد، عزیز خان، منصور ناصر، سردار بشیر ، سردار سعید خان اور دیگر نے خطاب کیا ۔‎