اسلام آباد (این این آئی)صدر مملکت ممنون حسین کی طبیعت اچانک خراب ہونے پر انہیں اے ایف آئی سی ہسپتال منتقل کردیا گیا ۔میڈیا رپورٹس کے مطابق پیر کی صبح صدر مملکت ممنون حسین کو دل کی تکلیف ہوئی جس کے بعد انہیں فوری طور پر ایف آئی سی راولپنڈی منتقل کردیا گیا جہاں ان کے دل کی دھڑکن کے ٹیسٹ لینے کے بعد ڈاکٹرز نے ان کی حالت تسلی بخش قرار دے دی ہے ٗ ان کے دیگر ٹیسٹ بھی لیے جارہے ہیں۔ڈاکٹرز کا کہنا ہے کہ صدرمملکت کی طبیعت اچانک خراب ہوئی تھی لیکن اب وہ بہتری کی جانب مائل ہیں اور انہیں شام تک ہسپتال سے ڈسچارج کردیا جائے گا۔