کراچی (نیوزڈیسک) سیکریٹری سندھ اسمبلی نے پیر کو سندھ اسمبلی کے ہونے والے اجلاس کے تمام وزیٹرز پاس منسوخ کردیئے ہیں۔ جمعہ کو جاری اعلامیہ میں سیکریٹری سندھ اسمبلی عمر فاروق نے کہا ہے کہ کسی بھی ورکنگ جرنلسٹس کے اسمبلی اجلاس کو کور کرنے کے لئے کوئی پابندی نہیں لگائی گئی ہے، تاہم اسمبلی کور کرنے والے صحافیوں کو آج (ہفتہ) دوبارہ پاس جاری ہوں گے۔ انہوں نے اجلاس کور کرنے والے صحافیوں سے درخواست کی ہے کہ وہ اپنے ادارے کے لیٹر ہیڈ پر اپنا نام ہفتہ کو سیکریٹری اسمبلی کے پاس جمع کراکر نئے پاس حاصل کرسکتے ہیں۔