اسلام آباد (نیوزڈیسک) بھارتی خفیہ ایجنسی را کا افسر کلبھوشن یادیو بلوچستان میں تباہی پھیلانے کےلئے افغانستان سے اسلحہ اور دہشتگرد بھیجتا رہا ۔ نجی ٹی وی کے مطابق راکے افسر نے پاکستان میں دہشتگردی کےلئے افغان سرزمین استعمال کرنے کا اعتراف کیا ذرائع کے مطابق تفتیش میں پتہ چلا ہے کہ را ایجنٹ راکیش عرف رضوان پہلے ہی ایران میں موجود تھا اور اسی نے کلبھوشن یادیو کیلئے ایرانی ویزے اور چاہ بہار میں کاروبار کا بندوبست کیا ایران میں قیام کے دوران کلبھوشن افغانستان بھی گیا وہ اسلحہ اور دہشت گرد افغانستان سے بلوچستان بھجواتا تھا ۔ کلبھوشن نے کئی علیحدگی پسندوں کو افغانستان میں پناہ بھی دلوائی اس سے تفتیش کے بعد افغانستان میں را کے نیٹ ورکس کی بھی نشاندہی ہوگئی –